مش واخد بالي منك

مش واخد بالي منك

مش واخد بالي منك حاسس وكاني عارفك كاني في يوم قابلتك
كده في مرة زمان
شكلك ده مش غريب احساسي بيك عجيب مش سهل ارتاح لحد
ولا سهل ادي الامان

ومعاك حسيت بحاجة واخداني مني ليك
صحيت فيه مشاعر اول ما شفت عنيك
ولاقيتك فجأة عايش جوايا من سنين
مش حد قابلته مرة ولا حد ارتحت ليه
ولا قلب لاقيته طيب ولا شوق حستني فيه
دا انت اكبر كتير ما تقولي انت مين

معقوله تكون صحيح حبيبي بتاع زمان
معقوله تكون عنيك لسه بنفس الحنان
معقوله يكون هواك راجعلي يعيش معايا
معقوله صحيح يا دنيا ممكن تتبسمي
وتبصي في حظي تاني وتاني تقسمي
وترجعي اللي غايب وتعيدي من البداية

ياه دا مكنتش احلم في يوم يحصل كده
انا قلبي كان مسلم وعايشها كده
وكنت نسيت خلاص احساسي بكل شئ
وفجأة صحيت لاقيتك واقف قدام عنيه
حسيت كاني ميت واتردت روحي فيه
اول مرة في حياتي بلاقيني مش غريق


ياااااه !!! بعد كل السنين دي وبعد ما تحس انه خلاص الدنيا قفلت ابوابها في وشك ومعدش فيه لا حب ولا امان واي حاجة تعيش عشانها فجأة تلاقي الدنيا دي برضو رجعت من الاول وبتبدأ معاك صفحة جديدة واللي خدته منك قبل كده بترجعه تاني وبتفتح دراعاتها وبتقولك يلا عيش كل اللي فاتك واصحي من جرحك ده وخليك في افراحك
اكيد هيبقي احساس حلو قوي لما تحس ان انت كنت ميت وبعدين خت فرصة تانية عشان تعيش هي كده بالظبط

احمس