وعد

وعد

كلمة ياما قولناها ... سمعناها
ولا حسينا معناها ولا موجود
كلمة سهل ننساها ... بننساها
ونسي امتي قولناها وصعب نعود

بنوعد ياما ما بنوفيش .......وندي غرام وما بنلقيش
وناخد برضو ما بنديش ...وكله يهون
غرامنا كلام ولا بيعيش ....... وكل وعودنا ما بتكفيش
ولو روحنا في يوم ما نجيش ... وسهل نخون

@@@@@@@@@@@

ساعات بنقولها بس كلام ... وننسي اوام
ولا كأني بينا غرام ولا عشناه
وساعات تفكرنا الايام ... تقول ده حرام
نقول لها ده اللي اسمه غرام وده معناه

بنوعد ياما ما بنوفيش .......وندي غرام وما بنلقيش
وناخد برضو ما بنديش ...وكله يهون
غرامنا كلام ولا بيعيش ....... وكل وعودنا ما بتكفيش
ولو روحنا في يوم ما نجيش ... وسهل نخون

"وعد" مش عارف ليه بقيت حاسس الايام دي ان احنا نسينا الكلمة دي او نسينا معناها بقينا بنوعد ناس كتير بحاجات كتير وبمجرد ما يمشوا بس نسي احنا وعدناهم بايه قيمة الوعد عندنا بقت قليلة قوي مش بنهتم باي حاجة عادي جدا كلام وبيتقال وخلاص ومش مهم النتايج بعد كده طالما انت سليم وتمام خلاص بقي بس مش واخدين بالنا ان اكيد هيجي يوم بعد كده تكون انت مكان المخدوع ده ؟؟؟ مش عارف
اللي خلاني اقول الكلام ده انها حصلت معايا انا فجأة لاقيت نفسي بوعد وبنسي مش عارف ليه ؟؟؟لو حد يعرف يقولي ايه اللي حصل ؟؟؟


احمس