قولت لها بحبك ليه

قولت لها بحبك ليه

قولت لها بحبك ليه .... لما انت ما حستهاش
ايه كان قصدك منها ايه ..... كان قصدك تعيش وخلاص
ولا كان همك جراح فيها ولا كان همك دموع ليها
ولا كان همك آلامها تزيد
لو عرفت ان شوقها بلاش
قولت لها بحبك ليه .... لما انت ما حستهاش

عشقت زمان حبيب سابك .... وذنبها ايه تسد الدين
بلاش تزود المجاريح ......وتبقي انت من الخانين
وبلاش تزيد لها دموعها وبلاش احساسها يوجعها
وبلاش الجرح في اللي حب
لو حتي ماحبتهاش
قولت لها بحبك ليه .... لما انت ما حستهاش

ملاك حبك وكان عايز .... يعيش علشانك انت وبس
ليه ترميه في وهم كبير .... ليه عايزو بجرح يحس
ليه فكرت تجرحها وتخطف منها افراحها
بلاش ترميها وسط النار
وحياتك ما تتعبهاش
قولت لها بحبك ليه .... لما انت ما حستهاش

اه صحيح بجد ده سؤال سألته لنفسي اول واحد قبل ما افكر اسأله لحد انا ليه بقول بحب دايما من غير ما احسها ؟؟؟؟ عشان الكلمة سهلة بالنسبة لنا قوي كده ولا الشخص اللي قدامنا هو اللي ملهوش قيمة يعني عادي اقوله بحبك وبموت فيك وتاني يوم الصبح ولا كأني قولتله اي حاجة بجد انا مش لاقي تفسير مقنع للحالة دي اصلها حصلت معايا قولتلها بحبك ومكنتش حسيتها خالص وبعد يوم ولا اتنين سألت نفسي طب ليه انا قولتلها كده استفدت ايه يعني مع العلم ان انا مش النوه اللي بيحب يكون حواليه شلة بنات كتير يعني مش عارف ليه ؟؟بس انا بعد كده ما لاقتش حل غير اني روحت قولتلها ان انا مش بحبها وكنت مش فاهم احساسي بس وحرمت اعملها تاني اصل كان شكلي وحش قوي


احمس