علي قد هواك

علي قد هواك

علي قد هواك ... انا قلبي معاك
علي قد ما هتسبني في حبك هفضل وياك
علي قد هواك ... انا قلبي معاك
يعني لو عشت عشاني عمرك انا عمري فداك

علي قد ما هضم عيونك قلبي وعيني
علي قد ما هتصني هصونك كل سنيني
واشناق ولا عمري في يوم اخونك حتي حنيني
هيزيد وياك

علي قدك هيكون احساس وهيكون الشوق
هتحب هزود اخلاصي وهتحس بذوق
ولا عمرك مرة هتقاسي ولا جرح تدوق
ولا يوم هنساك

كل ما هتزود في سنينك حبك ليه
علي قد ما يملاني حنينك وتدوب فيه
هتحس بحبي واشواقي والحنية
راح تستناك


هي عملية تبادلية "هات وخد " مفيهاش لا نصب ولا ضحك عقد وبنكتبه وبنمضي علي تنفيذه سوا وشروطه سهلة جدا ومعروفة واولها بيقول انك انت طول ما انت بتحبني انا هحبك لا ومش كده وبس دا انا هبقي احسن منك كمان يعني انت لو عشت عشاني انا مستعد اموت فداك مفيش اكتر من كده بقي يعني بمعني اصح "ابجني تجدني متأبجنيش متلاقينيش " هو ده

احمس